عيد ميلاد البندر ..

السلااااااااااام عليكم


اهاااا انهرده 5 أبريل عيد ميلاد البندر :D

ياااااااااه بئالي سنة دلوقت بدون

عدة سنة ع مدونتي الحبيبة الل بعترها مكاني الوحيد الل باخد فيه حريتي وبكتب فيها من غير قيود ..

عدى سنة ع بداية اهتمامي بالعمل السياسي ..

عدى سنة ع اليوم الل نزلت فيه الساعة 2 بلليل علشان الصق ورق الاضراب ع سور الجامعة من غيظي من عملة الامن ساعة ماقبض ع سارة وأمنية .. ونزلت بلليل بعد ماكان اخويا مش راضي ينزلني وخليته نام وروحت نازل .. الف ع السيابر الل الاقيه قافل والل فاتح مش عنده وورد 2007 لغاية ماروحت لزاس ولس هيطبع الورق ..قلتله استنى اطبعهملي ألوان .. ولس بيسأل ع تكلفة الورقة الالوان وركز ف الورق لقى إن فيه شتيمة ف مباركـ وكدة فرفض تماما وبعد محايلات برده مارضيش ..اضريت اني اروح ..وصبحت الصبح يوم الحد 5ابريل اليوم الل قبل اليوم ال هنعرض فيه مسرحية ع الجمهورية وروحت البروفة عادي وجيت ع العصر اخدت عجلة ونزلت طبعته ف سمارت ودخلت ع شركة صيانة ماكينات تصوير الل كنت بدرب فيها وقولت للواد صاحبي هناك صورلي دول لكن للأسف مارضيش وشديت معاه وقالي روح يارب تقع بالعجلة وانت ماشي وبالفعل والله من ضيقتي كنت طاير بالعجلة وباخد الملف روحت واقع وروبتي كلها تجلطت ودراعي ..روحت البيت اخدت الغرا الابيض وقلت لماما انا نازل عند ......... المسئول بتاعي قالتلي ماشي ودا ع أساس اني رايح استئذنه بس ماكنتش عايز استئذنه لانه كان هيرفض واخدت صاحبي وروحناله لكن مالقيناهوش قلت بكرة ياجامع ومشينا انا وصاحبي لكن لقينا ابوه نده عليه فرجع .. قلت هاروح لوحدي وبدأ بسور خدنة وبعد كدة زراعة وتربية وفاض ورقة قلت يبئا نوعية طلعت عليها والسور ال ادام نوعية جيت اعلق عليه مانفعش روحت جاي ع سور نوعية والصق ف الورقة مش راضية تلصق اعدت فيها حوالي 5دقايق ومش راضية تلصق برده لغاية ماجم بنتين بيقرأوا الورقة فمشيت بعي لغاية مايقروها وافتكرت ان معايا استيكر عن الاضراب فرجعت الصق الاستيكر جنب الورق وكان كل الل يسألني ايه ده القه بنتين تايهين .. لغاية ماجه واحد لابس جلابية بيسألني ايه ده قلتله دول بنتين اعتقلوهم راح ماسكني اتضحت بعد كدة انه عسكري مخلص وردتيه ومروح .. ودخلت نوعية وانا مش مستوعب الامر قلت دول هيسألوني ايه ده وخلاص هاروح .. لكن الحكاية كانت غير كدة .. طلبت من العسكري اني اصلي المغرب مارضيش وقالي انا هاشيل ذنبكـ وكان عسكري رخم اعدت اتحايل عليه واقله دانا زي ابنكـ يقلي لو كنت ابني كنت قتلتكـ ف عز الظهر .. وقال للعسكري التاني الطيب امن المكان واقفل البوابة ..اعدت اتحايل واتحايل وانا عندي درس فيزيا دلوقت .. لكن مافيش ..قلتله طب هاتصل اطمن البيت ..ماكنتش اعرف ان الموبايل ممنوع ..راح واخده مني .........وكفاية لحد كدة


والباقي هنا

عم عبد الله قال لوالدي مافيش حد عندنا .وانا كت في الحبس الانفرادي..ومارضيش بقله..

 والورق ليه بقايا جنب باب خدمة

وبعد دا كله ..كان نفسي والله أشاركـ ف الوقفة بتاع بكرة لكن للأسف مش حاينفع رغم كل المحايلات والمفاوضات الل عملتها لكن دون جدوى 

لكن أنا هاكتفي اني اكون معاهم بقلبي 

وأشارك معاهم بالاعلان عن الوقفة 

 

وتحية خاصة لعبد الرحمن فارس ومحمد السويفي الل عمرو الحميلي خطفهم ف نفس اليوم 

2 تعليقات على “عيد ميلاد البندر ..”

  1. ههههههههههههههههههه..
    بجد ربنا يكرمك على كل الحوادث اللي عملتها دي..
    بس حقيقي عسكري رخم جدًا، هو هيشيل ذنبك؟ يللا خليه يشيــــل :D
    ولا انت اديت ثقتك لواحد علشان لابس جلابية؟ كان لازم تكون أكتر حذرًا..
    يللا، آديك اتعلمت كتير، وتعيش وتعمل لبلدك كتير إن شاء الله :) :)

  2. ههههههههه


    كان لازم تكون أكتر حذرًا..


    هي جات كدة قدر ربنا بئا ..ان شاء الله



    يللا، آديك اتعلمت كتير

    اها والله العظيم كتير جدااااااااا بالفعل كانت تجربة جامدة



    وتعيش وتعمل لبلدك كتير إن شاء الله :)

    ياااااااارب

    جزيتي خيرا ع مروركـ العطر :)

إرسال تعليق

ايه رايك ف الكلام ده؟؟

 
Bookmark and Share