عم عبد الله قال لوالدي مافيش حد عندنا .وانا كت في الحبس الانفرادي..ومارضيش بقله..

كما تعودنا من رجال الامن الشرفااااااء اوي..وبعد ما عمو العسكري مسكني وانا بلصق ورق الاضراب ع سور كلية تربية نوعية وسلمني للامن والامن اتصل بقائد الحرس ورحت لقائد الحرس ودار الحوار اللي دار بيني وبين قائد الحرس..سالني عن بيناتي ..قلي مين اللي عطاك الورق ده..قلته انا ياباشا اللي طبعته وانا اللي كنت بلصق لوحدي ..المهم الحورارت اللي دارت بيني وبين الظباط اللي في الجامعة حوارات مالهاش لازمة..واحد مهم بيقلي انت بئا هتقلب نظام الحكم وانت عندك ೧೬ سنة......اعدت عند قائد الحرس حوالي ೪ ساعات...وكل الشكر والاحترام لقائد الحرس الرائد حازم ..صراحة هو زعئلي الاول شوية بس بعد كدة عاملني بكللل احترام وكمان اخدني خلاني اتوضيت وصليت العشا وكل الشكر والتقدير لعم فتحي العسكري وعم صالح اللي عملي الشاي وكان عايز يعملي غيره عشان ماشربتوش كله..كنت بقرا في المصحف ولقيت حازم بيه بيقلي صدق الله العظيم يلا ياصهيب عشان هنروح البندر ..واخدني في عربيته ومشينا طلعنا ع البندر ودخلنا البندر ودخل هو ع نائب المامور كلمه شوية وطلع ..فقلتله بد اذنك عايز اكلم المقدم محمد عبد الفتاح عشان انا اعرفه...قلي حاضر هنطلع فوق وهننزله تاني وقله اللي انت عايز تقلهوله...طلعت فوق عند المباحث...ولقيت الظباط كلهم جايين عليه وكل واحد يسالني سؤالين وليه كدة والكلام ده..وظابط المباحث جه مصطفى بيه شاف المصحف في ايدي قلي شيل المصحف قلتله حاضر..نفضتله..كل الشكر والتقدير ليه برده بجد ظابط محترم جدااا...المهم دخلوني عند امين الشرطة اسمه عبد الله ضخم كدة وماشاء الله فيه الة ادب ماتوصفش يعني عملي محضر تحري واعدت معاه طبعا عمال يشتم ويابح واثناء ماهو بيوجه الشتيمة ك..على ك..وراح باصصلي قلتله نعم بتقول ايه..قلي ياعم مش انت وانت مالك انت راجل جاي تبع كفاح..المهم فضلت اعد معاه لحد12.೩೦ ودا كله عارف اني مش هبيت اثناء مانا اعد جه واحد صحفي اسمه الاستاذ احمد كل الشكر والتقدير ليه من جريدة الاحرار اخد اسمي وسني واسم المدونة وقلي انهم اخدوا عبد الرحمن فارس وافرجوا ن سارة وامنية ..دا كله موبيلي كا مع قائد الحرس لحد ماجيت البندر عطهوني لكن كان فصل شحن..دا كله ومش راضيين يخلوني اتصل اطمن البيت..لقيت عم عبد الله جاي فتشني واخد مني بطارية الموبايل ودخلتي حبس انفرادي ..لارضي يخليني اطلع اروح الحمام ولا رضي يخليني اتصل بحد ولا اي حاجة ..دخلت الاوضة ೪ حيطان ومافيهاش الا كيس اعد عليه ولا فيها اي حاجة تاني غير شوية ميه في ازازة ...ماكنتش لانمت ولا اكلت خالص..كنت لابس بادي نص كم والجو برد وع البلاط ونمت لحد مابسال عم عبد الله انا هبيت ولا هاروح قللي هتبيت ..طبعا والدي جالي البندر اثناء مانا كنت في الحبس عشان يسال عليه..وبالفعل سال عم عبد الله..مافيش ولد جه هنا..قله لالالا مافيش ..قله طب شوف طيب ..دا كله ادام الاوضة اللي انا فيها بس ماعرفتش الا بعد ماجيت ..قله ل اما ييجي الظباط...صحيت الفجر خبطت ..قلتله عايز اتوضا ..قلي لا اتيمم..صليت الفجر ونمت شوية لحد ماقمت ومسكت المصحف وبقرا..(ولا تحسبن الله غافلا عما يعمل الظالمون...) جالي مصطفي بيه قلي تعالى..واخر كلمة قلهالي 0ولا تحسبن الذين قتلوا في سيبيل الله امواتا بل احياء عند ربهم يرزقون9 رحت ضاحك ..قلي يلا يابطل ..نزلت لنائب المامور لقيت والدي والمحامي وجوز اختي دخلت للنائب قلي ابد عن الحاجت دين ..قلتله حاضر اوي اوي...ومشينا بسلااااااااام


 

إرسال تعليق

ايه رايك ف الكلام ده؟؟

 
Bookmark and Share