بلد ديـ ,, ولا اشتغالة ؟!
الأحد، 10 أكتوبر 2010
بلد مين دي يا بشر ؟؟
بلدنا ؟؟
بلدنا في البطاقة و الباسبور و شهادة الميلاد .. بس هي فعلا بلدنا ؟؟
البلد اللي بننضرب و بنتذل و بنتهان فيها كل يوم أكتر من اللي قبله تبقى بلدنا؟؟
البلد اللي البني آدم فيها بقى أرخص من رغيف العيش تبقى بلدنا؟؟
البلد اللي فيها الشرطي فيها يعتدي على بناتها تبقى بلدنا ؟؟
حد يرد عليا
بلد مين دي يابشر ؟؟
الحنبولي الذي مسك إيد البنت " الفيوم "
حاميها حراميها
و حبيبها مدبوح فيها
بناتها استباحهم الكلب
و رجالتها خلصوا في الحرب
و لو في يوم حسيت معاناة
و حبيت تنطق و تقول اه
تبقى أكيد مجنون أو مدمن
ممكن خاين ممكن مجرم
آه يا وطن
اه يا وطن لما ابنك في حضنك يخاف
و اما نيلك يسري ادامه و يتقاله ده جاف
و اما يعمل حاله مصدق
اصله خايف
خايف يتكلم فيغرق
و انت يا وطن
هتفضل بتاعهم
عشان ولادك باعوا صوتهم
عشان بناتك لما استحلوا
ملقوش اللي ياخد بتارهم
عشان رجالتك لما ماتوا
نسيوا يسيبوا راية جهادهم
........
اه يا وطن :'(
الظابط الذى ضرب سميه ، وهو يفتش حقائب الطالبات " الشرقية "
التدوينة بقلم : جهاد خالد
المشاركات
