حلم الريس..زي حلم الكلب

السلام عليكم ورحمة الله وبركاته..






هذه مجموعة اسطر نابعة من داخلي ناتجة عن كرهي الشديد لنظام الحكم بلدنا مصر كتبتها منذ حوالى عام تقريبا وكنت مترددا في اضافتها ع صفحات الانترنت لكني قررت ان اضيفها.. انا لااعتبرها قصة لانها لا تتوفر فيها شروط القصة ...







كنت ماشي مرة انا وصاحبي بفكر ف مقال اكتبه لمجلة شباب فكرت ف حاجات كتير لكن لقيت ان كلها حاجات في ناس قبلي كتييير كتبوا عنها لكن مش بتجيب نتيجة كويسة..


فأثناء ماانا ماشي قابلت فار قلت لصاحبي بقلكـ ايه تعالى نسال الفار ده عن حلمه...بصلي بصة كدة وكانه بيقلي ايه ياصهيب هي هربت منكـ ولا ايه؟؟ ارجع لعقلك ياابني قاطعته وقلتله بس يلا بس اهي حاجة جديدة ماحدش عملها قبل كدة ابداع يعني نهتم باحلام الحيوانات ..


اخدته من ايده وطلعت اجري ورا الفار وهو يجري وانا اجري لغاية مامسكته قلتله بقلك ايه انت بتحلم بإيه؟؟

قالي انا..انا بحلم اني اكون طول عمري صاحب رئيس جمهورية الحيوانات العربية قلتله وهو مين الل ماسك الرئاسة عندكم قالي الكلب ماسكها من 30 سنة بس ايه ممشي الجمهورية ع العجين ماتلخبطهوش ولقيته بيقول الكلب يابلاش واحد غيره ماينفعناش....

المهم استغربت قلت لصاحبي هو ايه الفيران بيصاحبوا دلوقت ولا ايه؟؟ قالي ايه انت مش بتتفرج ع توم وجيري ولا ايه ؟؟

المهم رحت سايب الفار وماشي قلت حتى الفيران من الطابور الخامس ...

فضلت ماشي لغاية ماقابلت قطة ...........

قلتها سلام عليكم ياقطة ياغلبانة قلتلي ميو ميو قلتها قليلي ياقطتي ..انتي بتحلمي بإيه ؟؟

..ضحكت كدة وقالتلي ياعم روح شوف حالكم الاول اهتم بالبشر بعد كدة اهتم بالحيوانات..

قلتلها لالا بصي احنا طالما عمك ابو جمال ماسكنا يبئا مافيش منا رجا...

..قليلي قليلي بتحلمي بإيه ..لقيتها بتقول ااااااايه يادنيا ..الدنيا قلابة.

..فكرتني بنفسنا قلتلها حتى انتي ياقطة.....قالتلي انا..انا بحلم اني امسك اهرس الفار باديه دول وااكله واقضي عليه ..

قلتلها ها وايه تاني ..قالتلي ونفسي اتخلص من الكلب بتاعنا نفسي حد غيره يمسك الحكم بئا دا ماسك الحكم بئاله اكتر من ربع قرن ماتقلش عزبة ابوه لا وايه اما عرف انه كبر وخرف خلاص عايز يورثها لابنه جيمي..

قلتلها طب ودا فصيلته ايه ده...قالتلي برده من فصيلة الكلاب ...قالتلي وبحلم كمان اني اتخلص من الخوف الل جوانا ده القطط كلها بائيت فيهم جبن وسلبية فظاع ونفسي اما قطة منا تقوم تقول رأيها تقوله بكل شجاعة وهي مش خايفة لتعتقل ولا حاجة ومرة واحدة لقيتها جريت ..اتضحت بعد كدة انها جريت علشان اما امن دولة جمهورية الحيوانات سمعها بتتكلم عن الريس بتاعهم جم علشان يعتقلوها فجريت..........








مشيييييييييت وانا زعلاااان ع حالها اوي المهم قلت لصاحبي بص بئا احنا طلع ع الكلب ابن الكلب ده ال قالب حال القطط كدة..


ورحت واخده ورايح ع القصر بتاع الكلب ...اه قصر....المهم دخلت لقيتهم بييقلولي عايز ايه ..قلتلهم لو سمحت عايز اقابل الريس.....لقيت كلب كدة طالع عليه اخدني ودخل فضلوا يفتشوني حتة حتة وقالولي تعالى لقيت الفلة بتاع الكلب مليااااااانة حراسة وحمامات سبااااحة وجناين وحاجات بالهبل المهم دخلت ع الريس قالي هو هو هو هو قلتله بص ياسيدي انا عايزكـ ف سؤال واحد بس وخلاص...

قالي هوهوهوهو قلتله بتحلم بإيه ...ضحك وقالي انا بئا بحلم باني افضل طووول عمري اعد ع كرسي العرش ده ان شاالله حتى الجمهورية كلها تموت من الجوع بس اهم حاجة عندي اني اعد ع الكرسي ده وافضل اعد عليييييييه قلتله مش حتموت؟؟

قالي ماتفكرنييييييش بس لو حصل اهو ابني موجود اهم حاجة الكرسي ده مايطلعش برة بيتي لانه لو طلع يبئا اللهم اني تفضحححححححت..........سيبته ومشيت لانه فكرني بواحد اكيد انتوا عارفينه...........










اخدت صاحبي ومشينا فسألت صاحبي قلتله قلي انت بتحلم بإيه قالي ياعم سيبني ف حالي ماانت عارف انا بحلم بإيه ....

بيحلم بنفس الحلم الل بتحلم بيه القطة ........

طلعت ع واحد من الحزب الوطني قلتله انت بتحلم بإيه؟؟

طلع بيحلم بنفس الحلم الل بيحلم بيه الفار برده سيبته ومشيت........








رحت طاااااااااالع ع قصر سيادة الرئيس ....

دخلت طبعا مااقلكمش ع الل حصل معايا علشان ادخل قصر الريس ...

مش ححكيلكم لان انتوا اكيد عارفين انا هدخل ف الموضوع علطول دخلت القصر لقيت جنااااااين وحمامات سباااحة وقصور وحراااسة


قلت ف نفسي انت والله ياريس انا خايف عليك خايف عليك اوي مش عارف ياريس يوم ماهتقف يوم القيامة ادام ربنا هتقله ايه؟؟ ياريس ياريس دا سيدنا عمر كان بيخاف من ربنا يوم ماهيساله عن البغلة الل تعثرت ف الطريق ياعمر لم لم تمهد لها الطريق ياريس والله خاااايف عليييك عايش ف النعيم دا كله ياريس وسايب الناس نايمة ف الشوارع عايش ف النعيم دا كله ياريس وسايب الناس مش لاقية لقمة عيش حاف لكن اقلك ع حاجة ياريس يوم القيامة ياريس الناس الل مش لاقية تاكل دي هتاخد كللل حقوقها منك ياريس مش بس كدة دول كمان هيتغمسوا ف الجنة غمسة واحدة وبعد كدة رب العزة هيسألهم هل رأيتم بؤسا قط؟؟ فيقولون لا وربنا ما رأينا بؤسا قط وانت طبعا ياريس حيحصل معاك العكس......

ياريس خاف ع نفسك ياريس ...........دا كله طبعا كنت بتخيل نفسي ان انا بقول للريس كدة ....

المهم اخدني واحد نظيف كدة بيقولوا انه ماسك رئيس الوزراء اخدني ودخلني ع الريس قلتله ياريس انت بتحلم بإيه...قالي يااااه معقول لس باقي حد من الشعب بيحبني ومهتم باحلامي ..


قالي انا بحلم اني افضل طووووول عمري اعد ع الكرسي ده مااقومش من عليه ابداا قلتله بس انت حتموت ياريس قالي بس ماتفكرنييييييييش..

ولو حصل مش عايز الكرسي دا يطلع برة بيتي لانه لو حصل وطلع حاتفضححح قلتله بتحلم بإيه تاني ياريس قالي بحلم اني افضل كاااااتم ع نفس الشعب كدة ان شا الله حتى يموتوا من الجوع بس اهم حاجة عندي اني افضل هنا ع الكرسي ده اخدم سيدي اوباما والمعله جزمته...............


































وبعد كده لقيت ماما بتقلي قوم روح المدرسة............هو دا حلمي....



3 تعليقات على “حلم الريس..زي حلم الكلب”

  1. مقاوم يقول...

    صهيب ..
    ماشاء الله عليك
    بجد رائع جدا
    وربنا يبارك فيك يا حبيبي
    فكرتني بالضبط لما كنت في الثانوية العامة بكتاباتك الجميلة دي

    منتظرك أتواصل معاك
    أخوك الكبير/ عمرو سعد
    مدونة قاوم
    regalsadakooo@yahoo.com
    15 ديسمبر, 2009 10:15 ص

  2. فارس الحرية يقول...

    جزاكم الله خير اخويا الكبير عمرو سعد ع مروك الذي اسعدني كثيرا..


    واتشرف بتواصلي مع حضرتكـ..


    انرت صفحتيـ..
    16 ديسمبر, 2009 03:58 ص

  3. غير معرف

    ما شاء الله عليك ، ربنا يبارك فيك ويوفقك يارب
    ومستنين كتابات جديدة

إرسال تعليق

ايه رايك ف الكلام ده؟؟

 
Bookmark and Share